مزارشريف (پژواک، ۹ سلواغه، ۹۶): د بلخ کود برق فابريکه کې د تېر کال توليد شوې لسګونه زره ټنه کيمياوي سره لا هم نه ده پلورل شوې او که همداسې پاتې شي، یاده فابریکه به له سلګونه ميليونه افغانيو زیان سره مخ شي.
پژواک خبري اژانس داسې اسناد ترلاسه کړي چې د بلخ ولايت په کود برق فابريکه کې له تېر يو کال راهیسې څه باندې ۴۳زره ټنه کيمياوي سره پرته ده او د پلور چارې يې ټکنۍ دي.
که چېرې دغه سره ونه پلورل شي، نو د کيفيت خرابېدو تر څنګ به د سږ کال د ۴۴زره ټنو نوي توليداتو لپاره هم فابريکه د ځای له کمښت سره مخ شي.
د فابريکې د مسوولينو په وينا، له تېر کاله پاتې سره ۸۶۹زره بورۍ کېږي چې د يوې بورۍ بيه ۱۰۱۰ افغانۍ ده.
د همدغه حساب له مخې، که چېرې د تېر کاله پاتې شوې سره بازار ته وړاندې نه شي، نو ۸۷۷ ميليونه او ۶۹۰زره افغانۍ زيان به واوړي.
خو د بلخ کود برق فابريکې رييس عبدالرحمان خان د کب په ۹مه له پژواک خبري اژانس سره په همدې تړاو مرکه کې وويل، دوی هڅه کوي له تېر کاله پاتې کيمياوي سره وپلوري.
نوموړي ومنله چې له تېر کاله په دې فابريکه کې ۴۳زره او ۴۵۰ ټنه کيمياوي سره ذخيره پاتې ده.
هغه زياته کړه چې تېر کال يې ۴۰۰زره بورۍ پر کرنې وزارت او ۳۰۰زره يې ازاد بازار کې پلورلې دي.
عبدالرحمان وويل چې سږ کال هم له کرنې وزارت سره خبرې روانې دي چې ممکن په نږدې موده کې به څه اندازه کيمياوي سره وپېري.
نوموړي د تېر کاله د پاتې سرې د کيفيت خرابېدو په اړه اندېښنه ډېره نه لرله، خو پر دې يې ټينګار کاوه چې د روان کال د نوي توليد لپاره ځای نه لري او همدا يې ستره ستونزه ده.
د کود برق رييس وايي چې د دې فابريکې سره سربېره پر دې چې له واردېدونکو کيمياوي سرو سره يې د بيې توپير لږ دی؛ بلکې لوړ کيفيت هم لري.
کروندګر هم د کورنۍ سرې کيفيت بازار ته له واردېدونکې سرې لوړ بولي، په بيه کې یې هم ډېره ستونزه نه لري خو وايي چې په بازار کې په اسانه نه موندل کېږي.
د بلخ ولسوالۍ کروندګر حاجي سرفراز پژواک ته وويل چې بلخ ته د ترکمنستان او ازبکستان هېوادونو کيمياوي سرې راځي چې د دواړو هېوادونو د يوې ٥٠ کيلوگرامه بورۍ بيه شاوخوا ۹۵۰ افغانۍ ده.
نوموړي زياته کړه چې د کود برق له توليد شوې کيمياوي سرې سره شاوخوا ۵۰ افغانۍ توپير لري.
خو هغه اندېښنه وښوده چې په بازار کې په اسانه نه پيدا کېږي او نه هم ورته ډېر تبليغات کېږي چې سوداګر يې بازار ته په سمه توګه وړاندې کړي.
د کود برق رييس عبدالرحمان هم وويل چې دوی يوازې د ملي ټلوېزيون له لارې تبليغات لري، په شخصي رسنيو کې يې په ورته تبليغاتو فکر نه دی کړی.
نوموړي ډاډ ورکړ چې هيله من دی، د نوو توليداتو تر بشپړ چمتووالي به د تېر کال پاتې سره وپلورل شي.
د هغه په وينا، په تېره يوه اوونۍ کې يې ۱۰زره بورۍ پلورلې ده.
د کود برق فابريکې د مسوولينو په وينا، دغه فابريکه په ورځنۍ توګه له ۲۵۰زره څخه ۳۰۰زره بورۍ کيمياوي سره توليدوي چې د سيمې په کچه لوړ کيفيت لري.
دوی وايي چې د کيمياوي سرې د اصلي توليداتو تر څنګ د اکسېجن، ناټيروجن او امونيا فرعي توليدات هم لري.
غړيYou need to subscribe to view the full article. Please login or register a new account.










