محمود راقي (پژواک، ٢١ تله ٩٧) : د کورنيو چارو وزارت اړونده ځانګړو ځواکونو په کاپيسا ولايت کې دوه تنه صرافان نيولي دي.
د کاپيسا ولايت د تګاب ولسوالۍ امنيه قوماندان محمد نعيم ساپي د تلې په ٢١مه، پژواک خبري اژانس ته وويل، چې له کورنيو چارو وزارت څخه راغلو ځانګړو ځواکونو نن له غرمې وروسته د ولسوالۍ په تعمير بازار کې عمليات وکړل.
هغه زياته کړه چې دوى دوه تنه صرافان ونيول او له ځانه سره يې کابل ته ولېږدول.
د نوموړي په وينا، پر دغو صرافانو د نشه يي توکو کاروبار، وسله والو مخالفينو سره د لاس لرلو او د اختطاف په يوه قضيه کې د لاس لرلو تورونه دي.
د تګاب د بازار يو تن دوکاندار حفيظ الله هم پژواک اژانس ته وويل چې نن بازار د ځانګړو ځواکونو له خوا کلا بند شو او ياد کسان يې تر نيولو وروسته له سيمې څخه ولېږدول.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن