کابل (پژواک، ٢٥ سلواغه ٩٨): د کورنيو چارو وزارت وايي چې د کندوز په دشت ارچي ولسوالۍ کې د ماين د چاودنې له امله پنځه ماشومان وژل شوي او درې نور ټپيان دي.
د دې وزارت وياند نصرت رحيمي د پورته مطلب په څرګندولو سره ويلي چې دغه چاودنه تېره ورځ مازيګر د دشت ارچي په شهروان کلي کې د مولوي احمد مدرسې مخې ته د ځاى په ځاى شوي ماين له امله رامنځ ته شوې ده.
ده زياته کړې، وژل شوي او ټپيان ټول د دغې مدرسې زده کوونکي وو.
د دې پېښې مسووليت تراوسه پورې چا په غاړى نه دى اخيستى.
GET IN TOUCH
NEWSLETTER
SUGGEST A STORY
PAJHWOK MOBILE APP