منځپانګې ته تلل
یکشنبه ۲۲ نومبر ۲۰۲۶ · کابل ۸:۰۲ غ.و
۷°صاف · ↑۱۴° ↓۲°د هوا کیفیت: منځنی

په کندوز کې د ماين په چاودنه کې پنځو ماشومانو ژوند له لاسه ورکړ

· ۱ دقیقه لوستل · ۲۰۹ کتنې · تازه شوی

کابل (پژواک، ٢٥ سلواغه ٩٨): د کورنيو چارو وزارت وايي چې د کندوز په دشت ارچي ولسوالۍ کې د ماين د چاودنې له امله پنځه ماشومان وژل شوي او درې نور ټپيان دي.

د دې وزارت وياند نصرت رحيمي د پورته مطلب په څرګندولو سره ويلي چې دغه چاودنه تېره ورځ مازيګر د دشت ارچي په شهروان کلي کې د مولوي احمد مدرسې مخې ته د ځاى په ځاى شوي ماين له امله رامنځ ته شوې ده.

ده زياته کړې، وژل شوي او ټپيان ټول د دغې مدرسې زده کوونکي وو.

د دې پېښې مسووليت تراوسه پورې چا په غاړى نه دى اخيستى.