زابل کې د ترافیکي پېښې له امله شپږو کسانو ته مرګ ژوبله اوښتې ده

کلات (پژواک، ۳ چنګاښ ۹۹) : د کابل- کندهار پر لویه لاره د زابل ولایت په مربوطاتو کې د یوې ترافیکي پېښې له مله شپږو کسانو ته مرګ ژوبله اوښتې ده.

د زابل امنیه قوماندانۍ له خوا د چنګاښ په ٣مه، پژواک اژانس ته په یوه استول شوې خبرپاڼه کې راغلی چې دا پېښه نن سهار د کندهار پر لویه لاره د شهر صفا ولسوالۍ اړونده د شهیدانو په سیمه کې رامنځته شوې ده.

سرچینې زیاته کړې چې په یاده سیمه کې یو فیلډر موټر له سړکه اوښتی او چپه شوی چې له امله یې درې تنه مړه او درې نور ژوبل شوي دي.

په خبرپاڼه کې راغلي چې په مړو کې دوه ماشومان هم شامل دي او ټپیان روغتون ته لېږدول شوي، خو د روغتیایي حالت په اړه یې معلومات نه درلودل.