کابل (پژواک، ٢٠ زمرى ٩٩): د بلوچستان ايالت په چمن کې د يوې چاودنې له امله ٢٦ کسانو ته مرګ ژوبله اوښتې ده.
پاکستاني رسنيو د زمري په ٢٠مه خبر ورکړى چې دا چاودنه نن له غرمې وروسته د چمن په مال روډ باندې شوې ده.
ځايي چارواکو ويلي چې چاودېدونکي په يوه موټرسايکل کې ځاى پر ځاى شوي وو چې چاودنه یې کړې او په کې شپږ کسان وژل شوي او٢٠ نور ژوبل دي.
د کوېتې ښار د روغتون مسوولينو ويلي چې د اتو ټپيانو روغتيايي حالت د اندېښنې وړ دى.
د دې چاودنې مسووليت تر اوسه چا نه دى اخيستى، خو له دې مخکې د نورو چاودنو او بريدونو مسووليت د بلوڅو ازادي غوښتونکې ډلې پر غاړه اخيست.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن