خوست ښار (پژواک، ٣١ زمرى ٩٩): د خوست امنيتي مسوولين وايي چې د دغه ولايت په مرکز کې يې لسګونه کيلوګرامه چرس ترلاسه کړي او ورسره په تړاو يو کس هم نيول شوى دى.
د خوست د امنيې قوماندانۍ وياند عادل حيدر پژواک خبري اژانس ته وويل چې د دغه ولايت د امنيې قوماندانۍ د نشه يي توکو پر ضد د مبارزې مدیریت پوليسو څلوېښت کیلوګرامه خام چرس نیولي دي.
ده زياته کړه چې دغه چرس نن (د زمري ۳۱مه) د مرکز اړوند د مردي خېلو په سيمه کې د ځانګړو عملياتو پر مهال نیول شوي دي.
د حيدر په وينا، ياد چرس په سراچه موټر کې ځای پر ځای شوي وو چې په تړاو يې يو کس هم نیول شوی او دا مهال تر پوښتنو لاندې دی.
login or register a new account.
GET IN TOUCH
NEWSLETTER
SUGGEST A STORY
PAJHWOK MOBILE APP