خوست (پژواک، ١٢ تله ٩٩): د ناپېژاندو وسله والو په بريد کې د خوست د نادرشاه کوټ ولسوالۍ د ملي امنيت مدير وژل شوى دى.
ځايي چارواکي وايي چې دغه پېښه نن سهار نږدې اته بجې د خوست- ګردېز پر عمومي لار د ځنيخېلو سړک ته څېرمه رامنځته شوې ده.
ددغه ولايت يوې امنيتي سرچينې چې نه يې غوښتل نوم يې په ډاګه شي، د تلې په ١٢مه پژواک خبري اژانس ته وويل چې په ياد وسله وال برید کې د جګړن شهزاده يو ساتونکى هم وژل شوی.
د سرچینې په وینا، جګړن شهزاده دندې ته د تلو پر وخت له ياد وسله وال برید سره مخ شوی.
تردې دمه د پېښې مسووليت چا پر غاړه نه دی اخیستی او نه هم وسله والو طالبانو تراوسه رسنیو ته څه ویلي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن