کابل (پژواک، ١٥ تله ٩٩) : د ملي روغې جوړې شورا رییس ډاکټر عبدالله عبدالله په څلور ورځني رسمي سفر نوي ډيلي ته ولاړ.
د يادې شورا له خوا د تلې په ١٥ مه، په يوه خپره شوې خبرپاڼه کې راغلي، ددې سفر پر مهال به د ملي روغې جوړې شورا رییس د هند له چارواکو سره د افغان سولې پروسې پر ننګونو او لاسته راغلو فرصتونو بحث او خبرې وکړي.
سرچينې زياته کړې، عبدالله به په نوي ډيلي کې د دوست هېواد له ولسمشر، لومړي وزیر، د بهرنیو چارو وزیر، د ملي امنیت شورا سلاکار او له نورو چارواکو سره وګوري.
د ملي روغې جوړې شورا رییس هند ته د خپل سفر پر مهال وویل، هند د افغانستان یو له ثابت قدمو او وفادارو ملاتړو دی، د بیا رغونې، اساسي پروژو پلي کولو، د ساختمانونو د جوړولو او د اوبو بندونو په جوړولو کې یې ګټوره پانګونه کړې ده.
عبدالله د افغان سولې په برخه کې د هند رول مهم یاد او زیاته یې کړه، د سیمې هېوادونو له ملاتړ پرته په افغانستان کې دایمي سوله او ثبات ستونزمن دی.
هغه زیاته کړه، افغانستان له نړۍ او په ځانګړي ډول د سیمې له هېوادونو سره د متقابل احترام په صورت کې د ښو او نږدې اړیکو غوښتونکی دی.
د ملي روغې جوړې شورا رییس د سیمې هېوادونو ته د سفر په لړ کې تېره اوونۍ اسلام اباد ته تللى و او هلته يې له پاکستاني چارواکو سره لیدنې لرلې.
عبدالله به په راتلونکو ورځو کې ازبکستان، ایران، چین او ترکیې ته هم سفرونه ولري.
غړيYou need to subscribe to view the full article. Please login or register a new account.
