ایبک (پژواک، ۹ لړم ۹۹): د سمنګان پولیس وايي چې د دغه ولایت د والي ویاند په یوه ترافیکي پېښه کې مړ شوی او یو بل کس ټپي دی.
د یاد ولایت د امنیې قوماندانۍ مطبوعاتي مسوول څارمن منیر رحیمي پژواک خبري اژانس ته وویل، دغه پېښه هغه مهال رامنځته شوه چې د ولایت مقام ویاند محمد صدیق عزیزي د سمنګان مستوفیت ادارې له یوه کارکوونکي محمد نصیر سره تېره شپه یوولس بجې د واده له مراسمو د کور پر لور روان وو او موټر یې د ایبک ښار بندر سیمه کې د کابل- مزار پر لویه لار له یوه بار وړونکي موټر سره ټکر وکړ.
د نوموړي په خبره چې د دې پېښې په پایله کې عزیزي مړ شوی او د مستوفیت کارکوونکی ټپي دی.
سرچینې د دې پېښې لامل د چلوونکو په احتیاطي یاده کړه.
د یادونې ده، عزیزي د سمنګان ولایت د ژورنالېستانو له ډلې و چې په اتیایمه لسیزه کې د سمنګان ملي راډیو ټلوېزیون کې دنده ترسره کوله او نویمه لسیزه کې د ولایت مقام د ویاند په توګه وټاکل شو او تر اوسه پر همدې دندې پاتې و.
login or register a new account.
GET IN TOUCH
NEWSLETTER
SUGGEST A STORY
PAJHWOK MOBILE APP