په کابل ښار کې یو څارنوال وژل شوی

کابل (پژواک، ۱۶ لېندۍ ۹۹): د کابل ښار د پنځمې امنیتي حوزې اړوند په ده عربان سیمه کې د ناپېژاندو وسله والو له خوا د «پامیر صبح» په نوم یو څارنوال وژل شوی دی.

د کابل د امنیې قومانداني ویاند فردوس فرامرز پژواک خبري اژانس ته وویل چې دغه څارنوال نن سهار شاوخوا ٨:١٥ دقیقې وژل شوی دی.

هغه په دې اړه چې پامیر چېرته دنده ترسره کوله، څه ونه ویل.

یوه سرچینه وایي چې څارنوال پامیر له کوره د دندې پر لور روان و چې خپل کور ته نږدې د نامعلومو وسله والو له خوا پر ډزو ووژل شو.

د یادې پېښې مسوولیت تر اوسه چا پر غاړه نه دی اخیستی.

Views: 4