د پروان د لویې لارې قطعې قوماندان وژل شوی

چاریکار (پژواک، د مرغومي لومړۍ نېټه ۹۹): د پروان لویې لارې امنیتي قطعې قوماندان او څلور پولیس د دغه ولایت په مرکز کې د ماین په چاودنه کې وژل شوي دي.

د پروان د امنیې قوماندانۍ له جنايي جرمونو سره د مبارزې مدیر محمد صادق هاشمي د مرغوي په لومړۍ نېټه پژواک خبري اژانس ته وویل چې پېښه تېره شپه ۱۰ بجې د دغه ولایت د مرکز اړوند په عبدي بای سیمه کې رامنځته شوې ده.

د هاشمي په خبره، په دې پېښه کی د پروان د لویې لارې قطعې قوماندان او څلور امنیتي پولیس وژل شوي دي.

د یادې پېښې مسوولیت تر اوسه چا پر غاړه نه دی اخیستی.

Views: 2