کابل (پژواک، ۲۸ مرغومی ۹۹): لویه څارنوالي وایي، د مالیې وزارت د بشري سرچينو رييس غلام ملاخېل د ولسمشرۍ ماڼۍ د احکامو په پلې کولو کې د ناغېړۍ او له دندې د ناوړه ګټې اخيستنې په تور نیول شوی دی.
د لویې څارنوالۍ ویاند جمشید رسولي پژواک خبري اژانس ته وویل چې غلام میاخېل د لویې څارنوالۍ او امنیې قوماندانۍ له خوا په ګډه 
نیول شوی دی.
رسولي وویل، میاخېل اوس په توقیف کې دی او د نیولو په اړه به یې جزېیات وروسته خپاره شي.
د کابل امنیې قوماندانۍ ویاند فردوس فرامرز هم د جزئیاتو له ورکولو پرته وویل چې ملاخېل نیول شوی دی.
دغه موضوع مو له مالیې وزارت سره هم شریکه کړه، خو تر اوسه یې په اړه څه نه دي ویلي.
Views: 713
GET IN TOUCH
NEWSLETTER
SUGGEST A STORY
PAJHWOK MOBILE APP