مزارشریف (پژواک، ۲۹ حمل ۱۴۰۰): د بلخ په مرکز مزار ښار کې د هوایي ځواک یو بریدمل په وسله وال برید کې ووژل شو.
د شاهین قول اردو ویاند حنیف رضایي وایي چې دغه پېښه نن له غرمې وروسته شاوخوا درې بجې د مزار ښار د نهمې ناحیې اړوند په زراعت کارته کې رامنځته شوې ده.
د ده په وينا، وژل شوی افسر بریدمل عبدالصبور نومیږي چې د دوو موټرسایکل سپرو وسله والو له خوا په نښه شوی دی.
د پېښې یوه عیني شاهد محمد اصف پژواک ته وویل چې بریدګر له وسله وال برید وروسته له سیمې وتښتېدل.
هغه زياته کړه، داسې ښکارېدل چې وژل شوی افسر تازه له دندې راګرځېدلی و، ځکه په خبره یې ظاهرا یو بیک هم ورسره و.
د برید مسوولیت تر اوسه کومې ډلې نه دی منلی.
Views: 110
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن