چاریکار (پژواک، ۱۵ چنګاښ ۱۴۰۰): د کاپیسا ولایت امنیه قومانداني وایي چې تېره شپه د دغه ولایت په نجراب ولسوالۍ کې د دولتي ځواکونو او طالبانو تر منځ نښته کې ۱۰ طالبان وژل شوي او ۱۵ نور ټپیان شوي دي.
د یاد ولایت د امنیې قوماندانۍ ویاند عبدالشایق شورش وایي چې تېره شپه د نجراب ولسوالۍ د افغانیې درې په اسپه خېل او نظام خېل سیمو کې، د دولتي ځواکونو او طالبانو ترمنځ جګړه کې ۱۰ طالبان وژل شوي او ۱۵ نور ټپیان شوي دي.
هغه زیاته کړه چې د وژل شوو جسدونه د جګړې په ډګر کې پاتې دي.
د ده په وینا، په دغې جګړه کې یو دولتي سرتېری ټپي شوی او طالبانو په شاه تګ کړی دی.
د افغانیې درې د اسپه خېل سیمې اوسېدونکي رازمحمد په دې اړه له جزییاتو پرته وویل چې خپله یې نه دی لیدلي؛ خو له خلکو یې اورېدلي چې د تېرې شپې په جګړه کې طالبانو ته مرګ ژوبله اوښتې ده.
طالبانو تراوسه په دې اړه څه نه دي ویلي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن