جلال اباد (پژواک، ۹ زمری ۱۴۰۰): د ننګرهار په مرکز جلال اباد ښار کې نن سهار په يو وسله وال بريد کې يو نظامي وژل شوی او دوه ملکيان ټپيان دي.
د ننګرهار د والي وياند عطاءالله خوږياڼي د زمري په ۹مه پژواک اژانس ته وويل چې نن سهار شاوخوا اته بجې د جلال اباد ښار لومړۍ ناحيې اړوند د کهنه فروشۍ کوڅې سيمه کې ناپېژاندو وسله والو له يوې هندي ريکشې په ګټې اخیستو پر خلکو ډزې کړې دي.
دی وايي، په دغه بريد کې يو نظامي چې نوموړی يې په تړاو نور جزيات نه ورکوي، وژل شوی او دوه ملکيان ټپيان دي.
د دغه بريد مسووليت چا نه دی اخيستی.
دا په تېرو درېيو ورځو کې د هدفي بريدونو درېيمه پېښه ده چې په جلال اباد ښار کې رامنځته کېږي.
Views: 262
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن