ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

امرالله صالح: د جګړې له امله بېځایه شوي دې د کابل په جوماتونو کې ځای پر ځای شي

امرالله صالح: د جګړې له امله بېځایه شوي دې د کابل په جوماتونو کې ځای پر ځای شي

author avatar
11 Aug 2021 - 18:08
امرالله صالح: د جګړې له امله بېځایه شوي دې د کابل په جوماتونو کې ځای پر ځای شي
author avatar
11 Aug 2021 - 18:08

کابل (پژواک، ۲۰ زمری ۱۴۰۰): د ولسمشر لومړی مرستیال امرالله صالح وایي چې د حج او اوقافو وزارت ته لارښوونه شوې څو د هغو ټولو بېځایه شوو پر مخ د جوماتونو دروازې پرانیزي چې کابل ته راغلي دي.

پېښو ته د رسېدو په چارو کې د دولت وزارت د معلوماتو له مخې، له دوو میاشتو راهیسې د هېواد له بېلا بېلو سیمو څخه د جګړو له امله ۶۰زره کورنۍ بېځایه شوې چې ډېری یې د کندهار، هلمند، فاریاب، تخار او کندوز ولایتونو څخه دي.

سرچینې ویلي چې له دې ډلې ۱۷زره کورنۍ یې کابل ته راکډه شوې دي.

د ولسمشرۍ لومړي مرستیال امرلله صالح نن پر خپل فېسبوک لیکلي چې د حج او اوقافو وزیر ته لارښوونه شوې چې د هغو ټولو بېځایه شوو پر مخ دې د جوماتونو دروازې پرانیزي چې کابل ته راغلي دي.

هغه زیاته کړې چې په دې اړه ټولو امنیتي حوزو ته هم لارښوونه شوې او هیڅوک نه شي کولای جوماتونو ته د دغو اړمنو کورنیو د ننوتو مخه ونیسي.

هغه لیکلي: « هیڅوک نه شي کولای په سره ګرمۍ کې د ښځو او ماشومانو ناوړه وضعیت وزغمي. بېځایه شوو او اړمنو کورنیو! کابل ستاسو کور دی زموږ کورونه ستاسو پرمخ پرانیستي دي. خپل ځانونه نږدې جوماتونو ته ورسوئ.»

Views: 32

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.