پاکستان افغانستان ته د لیسانس او ماسټرۍ سل بورسونه ورکوي

کابل (پژواک، ۱ وږی ۱۴۰۰): په افغانستان کې د پاکستان سفیر منصور احمد خان وايي چې لاهور کې د مدیریت او ټکنالوژۍ پوهنتون، افغانانو ته د لیسانس او ماسټري دورې سل بورسونه اعلان کړي دي.

هغه نن پر خپلې ټویټرپاڼې لیکلي چې ده د پاکستان په لاهور کې د مدیریت او ټکنالوژۍ پوهنتون (UMT) له مشر ابراهیم حسن مراد سره خبرې کړې دي.

دی وايي چې یاد بورسونه د ښځو او نارینه وو لپاره دي.

د هغه په وینا، پاکستان له افغانستان سره د زده کړو په برخه کې همکارۍ ته ادامه ورکوي او له نورو بنسټونو څخه هم غواړي چې د افغانانو د ظرفیت لوړونې لپاره کار وکړي.

دا په داسې حال کې ده چې طالبانو شاوخوا یوه اوونۍ وړاندې کابل نیولی او دا مهال له افغان سیاسیونو سره د داسې حکومت د جوړولو په خبرو لګیا دي چې ټولو افغانانو ته د منلو وي.

Views: 91