کابل(پژواک,۲۶وږی۱۴۰۰) : امنیت شورا په افغانستان کې د ملګرو ملتونو د مرستندویه پلاوي ماموریت د شپږو میاشتو لپاره وغځاوه.
په کابل کې د ملګرو ملتونو د مرستندویه پلاوي (یوناما) په فیسبوک پاڼه کې راغلي چې
امنيت شورا په متفقه توګه د (S / RES / ۲۵۹۶ ۲۰۲۱) نمبر پرېکړه ليک په تصويب سره
په افغانستان کې د ملګرو ملتونو د مرستندویه پلاوي (یوناما) ماموريت نوی کړ.
د سرچینې د معلوماتو په اساس, د یوناما اوسنی ماموریت د شپږو میاشتو لپاره، د۲۰۲۲ کال د مارچ تر ۱۷ پورې تمديد شو او دملګرو ملتونو له سر منشي څخه غوښتنه شوې چې د ۲۰۲۲ کال د جنورۍتر ۳۱ مې پورې یو لیکلی راپور چمتو کړي چې په افغانستان کې “د وروستیو سیاسي، امنیتي او ټولنیزو پرمختګونو په رڼا کې د یوناما د ماموریت لپاره، ستراتېژیکې او عملیاتي سپارښتنې” په ګوته شوې وي.
سرچینې زیاته کړې, د امنيت شورا په (S / RES / ۲۵۹۶ ۲۰۲۱) نمبر پرېکړه ليک کې د يو ټول شموله حکومت پر رامنځته کېدو، دبشري حقونو پر ملاتړ او نړيوال قانون ته پر درناوي ټينګار وشو.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن