کابل (پژواک، ۸ لړم ۱۴۰۰): د ترکمنستان د بهرنیو چارو وزیر رشید میردوف د یوه لوړپوړي پلاوي په مشرۍ له افغان چارواکو سره د لیدنې په موخه نن سهار کابل ته راغلی.
د اطلاعاتو او فرهنګ وزارت نشراتي مرستیال ذبیح الله مجاهد رسنیو ته ویلي چې د افغانستان د بهرنیو چارو سرپرست وزیر امیرخان متقي کابل نړیوال هوایي ډګر کې د میردوف ښه راغلاست کړی دی .
دا په داسې حال کې ده چې د ترکمنستان سفیر عوضوف تېره اوونۍ د افغانستان د کانونو او پټرولیم له سرپرست وزیر محمد عیسی اخوند سره د لیدنې پر مهال ویلي وو چې ډېر ژر به د ترکمنستان یو پلاوی د ټاپي پروژې په استملاک شوو ځمکو د برېښنا او ګازو د پروژې د پلي کېدو لپاره کابل ته راشي.
د ګازو د نل لیکې پروژه (ټاپي) د پاکستان ـ افغانستان له لارې له ترکمنستانه هند ته ۱۸۰۰ کیلو متره اوږدوالی لري چې ۸۱۶ کیلو متره یې له افغانستان څخه تیریږي، یاده پروژه مخکې په افغانستان کې په رسمي ډول پرانستل شوې وه خو تر اوسه یې عملي چارې نه دي پیل شوي.
GET IN TOUCH
NEWSLETTER
SUGGEST A STORY
PAJHWOK MOBILE APP