افغانستان ته د بشري مرستو څلورمه کڅوړه را ورسېده

کابل (پژواک ۲۴ لیندۍ ۱۴۰۰): د افغانستان بانک وايي، افغانستان ته د بشري مرستو څلورمه کڅوړه چې (۱۹.۲) میلیونه امریکایي ډالر دي، را ورسېده.

له ياد شوي بانک څخه په خپره شوې خبرپاڼه کې راغلي، افغانستان ته د بشري مرستو په لړ کې نن (چهارشنبه) د بشري مرستو څلورمه کڅوړه چې نولس اعشاریه دوه (۱۹.۲) میلیونه امریکایي ډالر دي، ورسېده او د افغانستان نړیوال بانک (AIB) ته وسپارل شوه.

څلور ورځې وړاندې (د لیندۍ ۲۱مه) د يادې مرستې درېيمه کڅوره چې (۱۹.۲) میلیونه امریکایي ډالر کېدل، را رسېدلې وه.

Views: 587