کابل (پژواک، ۶ مرغومی ۱۴۰۰): د کابل ښار په ګل سرخ څلور لارې کې د نظامیانو پر فلډر موټر چاودنې، درې کسان ټپیان کړي دي.
دغه چاودنه نن مازدیګر شاوخوا ۳:۲۰ دقیقې د کابل ښار د څلورمې امنیتي حوزې اړوند په ګل سرخ څلورلارې کې رامنځته شوې ده.
عیني شاهدان وایي چې د چاودنې په پایله کې درې کسان ټپیان شوي چې روغتون ته لېږدول شوي دي.
خو امنیتي مسوولینو تراوسه په دې اړه څه نه دي ویلي.
د یادې چاودنې مسوولیت هم تراوسه چا نه دی منلی.
په دې اړه جزئیات وروسته خپریږي.
