کابل (پژواک، ۷ مرغومی ۱۴۰۰): د لوبو او بدني روزنې ریاست وايي، په کابل کې د سنوکر په سیالیو کې ۵۶ لوبغاړو ونډه واخیسته او صالح محمد محمدي د دغو سیالیو اتل شو.
یاد ریاست نن سهار پر خپلې فیسبوک پاڼې لیکلي چې د دغو سیالیو ګډونوال د کابل د بېلابېلو کلپونو لوبغاړي وو.
د سرچینې د معلوماتو له مخې، رئیس خان سنزي، علي احمد یوسفي او نوید نادري په ترتیب سره د دغو لوبو دویم، درېیم او څلورم مقامونه وګټل.
سرچینه زیاتوي چې د سنوکر دغه لوبې په تېرو درېیو ورځو کې ترسره شوي او نن پای ته ورسېدې.
GET IN TOUCH
NEWSLETTER
SUGGEST A STORY
PAJHWOK MOBILE APP