لښکرګاه کې يوه ځوان ځانوژنه کړې

لښکرګاه (پژواک ۸ مرغومی ۱۴۰۰): د هلمند مسوولین وايي چې د دې ولايت په مرکز لښکرګاه کې يوه ځوان ځانوژنه کړې ده.

د اطلاعاتو او فرهنګ ريیس حافظ راشد هلمندي، پژواک خبري اژانس ته وويل چې دغه ځوان حکمت الله نوميږي او د لښکرګاه د شپږمې امنيتي حوزې په کلای بست کې يې ځان زندۍ کړی دی.

ده زياته کړه، د دې ځوان پلار ويلي چې زوی یې عصبي ستونزه لرله او د نامعلوم دلیل له امله يې ځان په توت پورې ځوړند کړی او ساه يې ختلې ده.

ځو ورځې مخکې هم د هلمند د باباجي ولسوالۍ په سپين مسجد کې يوه ۱۳ کلن هلک ځانوژنه کړې وه.

Views: 158