د پاکستان د ملي امنیت سلاکار د یوه پلاوي په مشرۍ کابل ته راغلی

کابل (پژواک، ۹ سلواغه ۱۴۰۰): د پاکستان د ملي امنیت سلاکار معید یوسف، د یوه پلاوي په مشرۍ له افغان چارواکیو سره د خبرو په موخه نن (شنبه) کابل ته راغلی.

د افغانستان د حکومت مرستیال ویاند انعام الله سمنګاني، ویلي چې د افغان چارواکیو او یاد پلاوي تر منځ خبرې پیل شوي دي.

هغه د جزییاتو له ورکولو پرته ویلي چې دواړه لوري د بېلابېلو مسایلو په اړه خبرې کوي.

ټاکل شوې وه چې یوسف د تېرې مرغومي میاشتې په ۲۸ مه کابل ته راشي، خو سفر یې وځنډېد.

Views: 202