کابل (پژواک، ۱۲ سلواغه ۱۴۰۰): د رییس الوزرا اداري مرستیال د روغتیا له نړیوال سازمان څخه غوښتي چې د سرطاني ناروغانو د درملنې او کرونا د امېکرون بڼې تشخیصیه کېټونو د چمتوکولو په برخو کې دې له افغانستان سره مرسته وکړي.
د حکومت مرستیال ویاند انعام الله سمنګاني پر خپله ټویټر پاڼه لیکلي چې د رییس الوزرا اداري مرستیال مولوي عبدالسلام حنفي نن په افغانستان کې د روغتیا د نړیوال سازمان (WHO) له رییس لیو دیپینګ او د دغه بنسټ د پولیو پروګرام له مسوول حامد جعفري سره په ارګ کې کتلي دي.
سرچینې لیکلي چې حنفي د روغتیا نړیوال سازمان له استازو سره په دې لیدنه کې په افغانستان کې د روغتیایي ستونزو په اړه غږېدلی او له هغوی یې غوښتي چې د کرونا د امېکرون بڼې د تشخصیه کېټونو په برخه کې له افغانستان سره مرسته وکړي.
حنفي په یاده لیدنه کې د دغه سازمان له استازو غوښتي چې په تېرو ۴۰ کلونو کې د جګړو، بمباریو او مخلتفو باروتو د استعمال له امله په سرطان ناروغۍ د اخته کسانو د درملنې په برخه کې هم له افغانستان سره همکاري وکړي.
نوموړي دغه زار ټینګار وکړ: «اسلامي امارت د فساد زغم نه لري او له فساده د ډډه کولو او مخنیوي لپاره باید انجوګانې هم طرزالعملونه په جدي ډول مراعات کړي.»
Views: 27
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن