کابل (پژواک، ۲۴ سلواغه ۱۴۰۰): مرکزي بانک، کابل ته د ۳۲ میلیون ډالر نغدي بشري مرستې د رسېدو خبر ورکړی او ویلي یې دي چې یادې پیسې د افغانستان نړیوال بانک (AIB) ته وسپارل شوې.
د مرکزي بانک په خبرپاڼه کې راغلي چې دغه پیسې نن (یکشنبه) د سلواغې په ۲۴مه د افغانستان نړیوال بانک (AIB) ته سپارل شوې دي.
سرچینې لیکلي، افغانستان ته د دې مرستو له پیله تر دې مهاله د نغدو بشري مرستو ۱۳ کڅوړې چې مجموعاً ۳۴۵ میلیونه او ۶۰۰زره امریکایي ډالر کېږي، د افغانستان نړیوال بانک ته رسېدلي دي.
د افغانستان بانک له مرسته کوونکو هېوادونو د مننې کولو ترڅنګ غوښتي چې له افغانستان سره د بانکې اړيکو په برخه کې د اسانتیاوو رامنځته کولو کې هم مرسته وکړي، څو په دې برخه کې د سیمې او نړۍ له هېوادونو سره تعامل رامنځته شي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن