د کابل ښار په دشت برچي سیمه کې د یوې نجلۍ مړی موندل شوی

کابل (پژواک، ۱۶ کب ۱۴۰۰): د کابل امنیه قومانداني وايي چې د کابل ښار ۱۸مې امنیتي حوزې اړوند په دشت برچي سیمه کې د یوې نجلۍ مړی موندل شوی دی.

د یادې قوماندانۍ ویاند خالد ځدراڼ پژواک خبري اژانس ته وویل چې دغه نجلۍ امنه نومېده او مړی یې په یاده سیمه کې د روانې کب میاشتې په ۱۱مه موندل شوی دی.

هغه په دې اړه د جزئیاتو له ورکولو پرته وویل چې تر دې دمه په دې په تړاو څوک نه دي نیول شوي او د قضیې په اړه څېړنې روانې دي.