په کابل ښار کې د یوه امنیتي کس پر ډزو لږ تر لږه دوه کسان وژل شوي

کابل (پژواک، ۱۸ کب ۱۴۰۰): د کابل امنیه قومانداني وایي، د کابل ښار څلورمې حوزه اړوند بره کي څلورلاره کې د شخصي لانجې له امله د یو امنیتي کس په ډزو کې دوه کسان وژل شوي دي.

د کابل امنیې قوماندانۍ ویاند خالد ځدراڼ پژواک خبري اژانس ته وویل چې نن سهار د کابل ښار څلورمې حوزې اړوند په بره کي څلورلاره کې یوه امنیتي کس له یو چا سره شخصي لانجه کړې وه.

ده وویل چې دغه کس خپل نور ملګري هم راغوښتي وو او وروسته ډزې شوې چې له امله یې دوه تنه وژل شوي دي.

دی وایي چې په دې تړاو دوه کسان نیول شوي دي.

login or register a new account.