کابل کې د جوجیتسو سیالۍ ترسره شوې

کابل (پژواک، ۲۲ کب ۱۴۰۰): په کابل کې د ١١ ولایتونو ترمنځ د جوجیتسو سیالۍ ترسره شوې، بلخوا بيا د ٢٨٩ لوبغاړو ترمنځ د سوک وهنې سیالۍ پيل شوې.

د یادو سیاليو پر مهال جوجیتسو فدراسیون سکرتر جنرال ډاکټر حارث پژواک ته وویل چې د کابل په ګډون د ١١ ولايتونو د ٨٢ لوبغاړو ترمنځ د جوجيتسو سيالۍ د يوې ورځې لپاره نن ترسره شوې.

ده وويل چې د دغو سياليو اساسي موخه د جوجيتسو ملي لوبډلې لپاره د ځوانو استعدادونو پيدا کول دي.

دغه راز د جوجیتسو ملي لوبډلې روزونکي سید جواد حسیني پژواک ته وویل چې په دغو سیالیو کې له فاریاب، غور، غزني، دایکنډي، هرات، خوست، میدان وردګو، لوګر، پکتیا او کابل ولایتونو څخه لوبغاړو برخه اخیستې وه.

login or register a new account.