عباد: د واردتي درملو يوازې شپږ سلنه چک او کنټرولېږي

کابل (پژواک، ٢٣ کب ١٤٠٠): د عامې روغتيا وزارت مسوولين وايي چې په تېرو ٢٠ کلونو کې د روغتيا په برخه کې سلګونه ميليونه ډالر لګول شوي، خو بيا هم د عامې روغتيا وزارت يوازې د شپږ سلنه وارداتي درملو د چک او کنټرول وړتيا لري.

دغه څرګندونې د عامې روغتيا وزارت سرپرست ډاکټر قلندر عباد په کابل کې د پنځم طبي نندارتون د پرانستې په مراسمو کې وکړې.

ده نيوکه وکړه چې په تېرو ٢٠ کلونو کې د روغتيا په برخه کې سلګونه ميليونه ډالر لګول شوي، خو اوس هم روغتيا وزارت يوازې د شپږ سلنه وارداتي درملو د چک او کنټرول وړتيا لري او ٩٤ سلنه دوا له چک او کنټرول پرته خلکو ته ورکول کېږي.

خو دى وايي چې اوسنى حکومت جدي هڅه کوي ترڅو دا او دې ته ورته نورې ستونزې هوارې کړي.

login or register a new account.