کابل (پژواک، ٢٣ کب ١٤٠٠): د عامې روغتيا وزارت مسوولين وايي چې په تېرو ٢٠ کلونو کې د روغتيا په برخه کې سلګونه ميليونه ډالر لګول شوي، خو بيا هم د عامې روغتيا وزارت يوازې د شپږ سلنه وارداتي درملو د چک او کنټرول وړتيا لري.
دغه څرګندونې د عامې روغتيا وزارت سرپرست ډاکټر قلندر عباد په کابل کې د پنځم طبي نندارتون د پرانستې په مراسمو کې وکړې.
ده نيوکه وکړه چې په تېرو ٢٠ کلونو کې د روغتيا په برخه کې سلګونه ميليونه ډالر لګول شوي، خو اوس هم روغتيا وزارت يوازې د شپږ سلنه وارداتي درملو د چک او کنټرول وړتيا لري او ٩٤ سلنه دوا له چک او کنټرول پرته خلکو ته ورکول کېږي.
خو دى وايي چې اوسنى حکومت جدي هڅه کوي ترڅو دا او دې ته ورته نورې ستونزې هوارې کړي.
هغه دا هم وويل چې په نړۍ کې هره شېبه په طبي برخه کې بدلونونه رامنځته کيږي؛ افغانان هم بايد له نړۍ سره په اړيکه ولري، ترڅو له نويو بدلونو سره مخ ته ولاړ شي.
ده زياته کړه: ((په تېرو کلونو کې جګړې په افغانستان کې د ظرفيت جوړونې مخه نيولې وه، خو اوس دغه ستونزه هواره شوې او له دې وروسته به ظرفيت جوړونه په سمه توګه ترسره کېږي.))
دغه راز عباد په طبي برخه کې د همغږۍ او نويو پرمختګونو د شريکولو په برخه کې د دغه شان نندارتونو جوړېدل مهم ياد کړل او ټينګار وکړ چې دغه شان نندارتونه بايد ژر ژر جوړ شي.
ټاکل شوې ده چې دغه طبي نندارتون درې ورځې دوام وکړي.
د يادونې وړ ده چې دغه طبي نندراتون له ١٣٩٥ کال راهيسې هر کال يوځل جوړيږي، خو په ١٣٩٩ کال د کرونا ويروس د خپرېدو له امله نه و جوړ شوى.
غړيYou need to subscribe to view the full article. Please login or register a new account.
