ملګرو ملتونو په افغانستان کې د نجونو او هلکانو ښوونځیو پرانیستل کېدو هرکلی کړی

کابل (پژواک، ۲۷ کب ۱۴۰۰): د پوهنې وزارت له خوا د ښوونځیو پرانیستل کېدو له اعلان وروسته د ملګرو ملتونو سازمان سرمنشي انتوني ګوتریش د دې پرېکړې هرکلی کړی او غوښتي دي چې په افغانستان کې دې د ټولو نجونو او هلکانو پر مخ ښوونخي پرانیستل شي.

مخکې له دې د کب په ۲۳مه د پوهنې وزارت پژواک خبري اژانس ته تایید کړې وه چې د وري په درېیمه د ښوونیز کال په پیلېدو سره به د سړو سیمو ټول ښوونځي پرانیستل شي.

په همدې حال کې د پوهنې وزارت ویاند عزیز احمد رایان پرون (د کب ۲۶مه) رویټرز خبري اژانس ته ویلي وو چې نجونو زده کوونکو ته به له هلکانو بېل ښځې ښوونکې تدریس کوي.

د رایان په خبره، په هغو کلیوالي سیمو کې چې ښځې ښوونکې کمې دي، نجونو ته به لوړ عمر لرونکي نارینه ښوونکي تدریس کوي.

login or register a new account.