تخار کې په دوو جلا پېښو کې دوه کسان وژل شوي

تالقان (پژواک، ٢٧ کب ١٤٠٠): سيمه ييزې سرچينې وايي چې په تخار ولايت کې يو زوم د خپل خسر او يو بل ځوان د ناپېژاندو وسله والو له لوري وژل شوي دي.

د تخار په ينګي کلا ولسوالۍ کې يوې سرچينې د کب په ۲۷مه پژواک خبري اژانس ته وويل چې تېره شپه د دې ولسوالۍ يوه اوسېدونکي عبدالرحيم غوښتل چې د خپلې کوژدنې د ليدو لپاره د خسر کره ولاړ شي چې د خسر له لوري پرې ډزې شوې او وژل شوى دى.

هغه زياته کړه: ((خسر يې فکر کړى چې کوم غل یې کور ته وراوښتی، نو په چره يي ټوپک يې پرې ډزې کړې او خپل زوم يې وژلى دى.))

په ورته وخت کې د تخار امنيي قوماندانۍ مطبوعاتي دفتر هم دغه پېښه تاييدوي او وايي چې په تور يې يو کس نيول شوى دى.

login or register a new account.