یوه عرب سړي څلور اسراییلیان وژلي دي

کابل (پژواک، ۳ وری ۱۴۰۱) : یو عرب بریدګر د اسرایل په سویلي ښار بئر السبع کې څلور کسان وژلي چې په ورستيو کلونو کې تر ټولو خونړی برید بلل کیږي.

د رویټرز خبري اژانس د راپور له مخې، بریدګر د اسراییلو عرب اوسیدونکی و او په یوه لیسه کې د ښوونکي په توګه دنده ترسره کوي.

پولیسو ویلي چې نوموړي له داعش وسله والې ډلې سره د اړیکو په تور بند هم تیر کړی دی.

سرچینې زیاته کړې چې بریدګر د یوه چاړه په وسیله پر خلکو ګوزارونه کړي او څلور اسراییلیان یې وژلي دي.

ځایي مسولینو وویل چې د یوه بل لاروي لخوا یاد بریدګر هم وژل شوی دی.

امریکا او ځینو نورو هیوادونو دا بریدغندلی دی.

login or register a new account.