کابل (پژواک، ۱۲ وری ۱۴۰۱) د سعودي عربستان تر اعلان وروسته د افغانستان سرپرست حکومت شنبه د روژې مبارکې میاشتې لومړۍ ورځ اعلان کړه.
تر دې مخکې د سعودي عربستان سترې محکمې اعلان کړی و، چې ددغه هیواد په سدیر سیمه کې میاشت ولیدل شوه او شنبه به د روژې لومړۍ ورځ وه.
بلخوا د شپې ناوخته د افغانستان د سرپرست حکومت ویاند ذبیح الله مجاهد هم په ټویټر کې د شنبې ورځ د روژې د لومړۍ ورځې اعلان کړی دی.
هغه لیکلي ، شنبه د رمضان المبارک د میاشتې لومړۍ ورځ او په ټول هیواد کې روژه ده. دغه نوموړي شنبه په ټول هیواد کې عمومي رخصتي اعلان کړې ده.
دغه راز متحده عربي امارات، قطر او یو شمیر نورو هیوادونو کې هم شنبه د روژې مبارکۍ لومړۍ ورځ اعلان شوې ده،.
Views: 54
GET IN TOUCH
NEWSLETTER
SUGGEST A STORY
PAJHWOK MOBILE APP