په سمنګان کې د اوو ټولګټو پروژو کار پیل شو

ایبک (پژواک، ۳۱ وری ۱۴۰۱): د سمنګان مسوولین په دغه ولایت کې د خوړو په بدل کې د اوو پروژو د کار د پیل په اړه خبر ورکوي.

د خلم ایبک دریایي حوزې رییس ملا محمد عمر انس پژواک خبري اژانس ته وویل، د یادو پروژو کار نن د یاد ریاست له خوا د دغه ولایت په مرکز کې پیل شوی دی.

هغه زیاته کړه: «د اسلامي امارت د کار په بدل کې د خوړو پروګرام په تطبیق سره له یوې خوا په بېلابېلو برخو کې د خلکو ستونزې هوارې کړې او له بلې خوا بېکاره خلکو ته د لنډمهال کار زمینه برابره کړې او د خلکو پر اقتصادي وضعیت یې ښه اغېز کړی دی.»

انس زیاته کړه، ټاکل شوې د یاد پروګرام له لارې ۲۴۴ کسانو ته د کار زمینه برابره شي او د ورځې به هر کاریګر ته ۱۰ کیلو غنم ورکول کېږي.

login or register a new account.