ایبک (پژواک، ۳۱ وری ۱۴۰۱): د سمنګان مسوولین په دغه ولایت کې د خوړو په بدل کې د اوو پروژو د کار د پیل په اړه خبر ورکوي.
د خلم ایبک دریایي حوزې رییس ملا محمد عمر انس پژواک خبري اژانس ته وویل، د یادو پروژو کار نن د یاد ریاست له خوا د دغه ولایت په مرکز کې پیل شوی دی.
هغه زیاته کړه: «د اسلامي امارت د کار په بدل کې د خوړو پروګرام په تطبیق سره له یوې خوا په بېلابېلو برخو کې د خلکو ستونزې هوارې کړې او له بلې خوا بېکاره خلکو ته د لنډمهال کار زمینه برابره کړې او د خلکو پر اقتصادي وضعیت یې ښه اغېز کړی دی.»
انس زیاته کړه، ټاکل شوې د یاد پروګرام له لارې ۲۴۴ کسانو ته د کار زمینه برابره شي او د ورځې به هر کاریګر ته ۱۰ کیلو غنم ورکول کېږي.
د هغه په خبره، یاده پروژه به ډېر وخت روانه وي او په ټوله کې به ۳۹ ټنه غنم توزیع شي.
ده وویل، ټاکل شوې په ایبک کې د دغو اوو پروژو له لارې په ټوله کې ۳۸ کیلومتره کانال په اساسي ډول و کیندل او پاک شي، د ۱۳زره او۷۹۰ هکټاره ځمکې د اوبو ستونزه د کرنیزو اوبو له درکه په ډاډه ډول هواره شي.
نوموړي زیاته کړه، په دغو پروژو کې د لرغان، کاروان سرای، کهنه ایبک، حاجي ملا چاري دلخکي، صوفي ها، چوغي او سرقد کلیو د کانالونو پاکول او کیندل شامل دي.
له بلې خوا بزګر چې کانالونه یې د یاد پروګرام له لارې پاکېږي، مننه کوي.
د چوغي کلي د کرنې کانال چکباشي عبدالقدیر وویل چې دغه کانال ۹ کیلومتره اوږدوالی لري او ۱۲۵۰ هکټاره ځمکه خړوبوي.
هغه وویل، زموږ کانال له دوو کلونو راهیسې نه و پاک شوی او په هغه کې د اوبو جریان سم نه و.
ده خوښي وښوده او ویې ویل، د یاد پروګرام له لارې یې ۴۸ کارګر موظف کړي ټاکل شوې چې د ۱۵ ورځو په موده کې دغه کانال پاک شي او د بزګرو ستونزې د اوبو له درکه هوارې شي.
غړيYou need to subscribe to view the full article. Please login or register a new account.










