په پکتیکا کې څه باندې ۴ زره جریبه ځمکه له غصبه خلاصه شوې ده

ښرنه (پژواک، ۳ غویی ۱۴۰۱): د پکتيکا ولايت د عدليې رياست مسوولین وايي، په مرکز ښرنه او ولسوالیو کې یې تر دې مهاله ۴۳۶۹ جریبه ځمکه له غصبه خلاصه کړې ده.

د پکتيکا ولايت د عدليې رييس مولوي حيات الله امين په دې اړه پژواک خبري اژانس ته وویل، د اوسني سرپرست حکومت له منځته راتګ وروسته یې په دغه ولایت کې له غصبه د ځمکو د خلاصولو لړۍ پيل کړې ده.

هغه زیاته کړه، له تېرو څو میاشتو راهیسې یې د ځمکې د غصب ۱۲۸ دوسیې څېړلې چې ۱۹ یې بشپړې شوې دي.

دی وايي، د بشپړو شویو دوسیو له مخې تر دې مهاله په مرکز ښرنه او ولسوالیو کې ۴۳۶۹ جریبه ځمکه له غصب څخه خلاصه شوې او دا لړۍ روانه ده.

login or register a new account.