کابل (پژواک، ۶ غویی ۱۴۰۱): د عامې روغتیا وزارت د پلاستیکي جراحي ډاکټر عبدالغفار غیور له خوا په تېرو دوو میاشتو کې د پرې شونډو او چاک تالو له ۱۹۰ پېچلو وړیا عملیاتو خبر ورکړی او د هغه دغه کار یې ستایلی دی.
د پلاستیکي جراحي ډاکټر عبدالغفار غیور څه موده مخکې له ترکیې هېواده افغانستان ته راستون شوی دی.
د عامې روغتیا وزارت د مطبوعاتي دفتر له خوا په خپره شوې خبرپاڼه کې راغلي، دغه ډاکټر له دوو میاشتو په کمه موده کې د پرې شونډو او چاک تالو ۱۸۵ ستونزمن عملیات د هېواد په بېلابېلو ولایتونو وړیا ترسره کړي دي.
دغه وزارت وایي چې ډاکټر عبدالغفار غیور د یاد وزارت د سلاکارانو او رییسانو له خوا په یوه ناسته کې وستایل شو.
Views: 192