کابل (پژواک، ۱۷ غبرګولی ۱۴۰۱) : د جرمني د بهرنیو چارو وزیره پاکستان ته د سفر پر مهال پر کرونا اخته شوې او خپل سفر یې نیمه کې پریښې ده.
پاکستانیو رسنیو خبر ورکړی چې د جرمني د بهرنیو چارو وزیره اینالینا بیربوک نن په رسمي سفر اسلام اباد ته رسیدلې وه.
هغې په اسلام اباد کې د پاکستان د بهرنیو چارو وزیر بلاول بوټو زرداري سره تر لیدنې وروسته په یوه ګډه خبري کنفرانس کې هم ګډون کړې وه.
بوټو زرداري په یوه ټویټ کې لیکلي چې د جرمني د بهرنیو چارو د وزیرې د کرونا ټسټ مثبت راغلې او هغه خپل سفر پای ته رسولې ده.
ټاکل شوې وه، چې نوموړې د پاکستان لومړي وزیر او یو شمیر نورو چارواکو سره هم وګوري، خو اوس یې خپل سفر پای ته رسولې او تللې ده.
ویل کیږي چې د پاکستان د بهرنیو چارو وزیر بلاول بوټو زرداري چې له نوموړې سره یې لیدلي وو، ځان قرنطین کړی دی.
Views: 210
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن