کابل (پژواک، ۲۴ غبرګولی ۱۴۰۱): دافغانستان کرکټ ملي لوبډلې زمبابوې ته په درېیمه شل اوریزه سیالۍ کې د ۳۵ منډو په توپیر ماتې ورکړه او په دې سره یې د شل اوریزه لوبو لړۍ درې پر صفر وګټله.
افغانستان ددې لوبې پچه وګټله او لومړی یې توپوهنه وکړه چې په ټاکلو شلو اورونو کې د ۸ لوبغاړو په سوځېدو سره یې ۱۲۵ منډې جوړې کړې او زمبابوې ته یې ۱۲۶ منډو هدف و ټاکه.
د افغانستان له لوري په توپوهنه کې محمد نبي ۳۱، افسر خان ۲۴ او احسان الله بیا ۲۰ منډې جوړې کړې.
د زمبابوې لوبډلې د شلو اورونو په لوبولو او د ۹ لوبغاړو په سوځېدو یوازې ۹۰ منډې جوړې کړی او افغانستان ته یې د ۳۵ منډو په توپیر سیالۍ وبایلله.
د افغانستان له لوري په توپ اچونه کې نور احمد ۴، شرف الدین ۲، راشد خان او فاروق بیاد زمبابوې یو یو لوبغاړي وسوځول.
نور احمد پخپلې لومړۍ لوبه کې ښه وځلید او د لوبې غوره لوبغاړی اعلان شو.
د یادونې وړ ده، افغان کرکټ ملي لوبډلۍ د شل اوریزه سیالیو د لړۍ له ګټلو مخکې زمبابوې ته په یو ورځنیو لوبو کې هم درې پر صفر ماتې ورکړی وه.
Views: 26
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن