مولوي هبت‌الله: پر مسوولینو بې‌ځایه تورونه لګول او نقد کول شرعاً جواز نه لري

اتلانتا (پژواک، ۳۰ چنګاښ ۱۴۰۱): د اسلامي امارت مشر شیخ هبت‌الله اخندزاه ویلي چې له اسلامي لارښوونو سره سم پر مسوولینو بې ځایه تورونه لگول او له واقعیته لرې نقد کول شرعاً جواز نه لري.

د افغانستان د سرپرست حکومت ویاند ذبیح الله مجاهد د چنګاښ په ۳۰مه د شپې ناوخته پر ټویټر د اسلامي امارت د مشرتابه د ځینو لارښوونو په اړه یوه خبرپاڼه خپره کړې ده.

د اسلامي امارت مشرتابه ویلي، له اسلامي لارښوونو سره سم پر مسوولینو بې‌ځایه تورونه لگول او له واقعیت څخه لرې نقد کول شرعاً جواز نه لري.

سرچینې زیاته کړې، شایعات خپرول په اسلام کې ځای نه لري او د مسلمانانو ترمنځ د کرکې لامل کيږي، اعتبار او باور له منځه وړي او همتونه کمزوري کوي.

login or register a new account.