کابل او ځیني ولایتونه زلزلې ولړزول

کابل (پژواک، ۵ زمری ۱۴۰۱): د هېواد په پلازمېنه کابل او شاوخوا ولایتونو کې یو ځل بیا زلزله وشوه، خو تر اوسه یې د ځاني او مالي زیانونو په اړه معلومات نه دي ورکړل شوي.

دا زلزله د کابل په وخت د شپې شاوخوا یوه نیمه بجه وشوه او په یو شمیر نورو ولایتونو کې هم محسوس شوې ده.

د کابل اوسېدونکي وایي،چې د تېر ځل په پرتله دا ځل زلزله یو څه اوږده وه.

د زلزلې سنجونې یوې نړیوالې ادارې د معلوماتو له مخې، د دې زلزلې مرکز د افغانستان د بدخشان ولایت د جرم ولسوالۍ په ۵۳ کیلو مترۍ کې و.

https://twitter.com/QuakesToday/status/1552035547211739136?t=aYXUPZEG6dWm25zU6KAf8g&s=19

سرچینې زیاته کړې چې زلزله د ریختر په کچه ۴،۹ درجې وه او ټکانونه یې په پاکستان او د هند په ځینو لوېدیځو برخو کې هم محسوس شوي دي.

دې زلزلې د کابل ترڅنګ ننګرهار، کونړ، لغمان، نورستان، پروان، کاپیسا، پنجشېر، بغلان، کندوز او تخار ولایتونه هم لړزولي دي.

د یادونې ده، تېره میاشت په خوست او پکتیکا ولایتونو کې د زلزلې له امله تر ۴۰۰۰ زره ډېرو کسانو ته مرګ ژوبله واوښته.