بریتانیا: د شوروي یرغل په افغانستان کې د کورنۍ جګړې او طالبان راپیدا کېدو لامل شو

اټلانټا (پژواک، ۷ وږی ۱۴۰۱): بریتانیا ویلي چې پر افغانستان د شوروي اتحاد یرغل په دغه هېواد کې د کورنۍ جګړې او د طالبانو راپیدا کېدو لامل شو.

دغه څرګندونې په ملګرو ملتونو کې د بریتانیا ځانګړي استازي جیمز کروکي د افغانستان په اړه د امنیت شورا ځانګړې غونډې ته کړې دي.

دا غونډه له افغانستانه د نړۍوالو ځواکونو وتلو د یوه کال پوره کېدو په مناسبت د روسیې په غوښتنه جوړه شوې ده.

د روسیې د بهرنیو چارو وزارت ویلي چې په دې غونډه کې د افغانستان د «اقتصادي او بشري وضعیت او د امریکا او ناټو پوځي مداخلې د پایلو» په اړه د خبرو لپاره ده.

login or register a new account.