د یوه امریکايي بنسټ له خوا لسو افغان ښځینه فعالانو ته نړۍیواله جایزه ورکړل شوه

کابل (پژواک، ۱۱ وږی ۱۴۰۱): د يوه امريکايي بنسټ له خوا څلورو بهرنيو او لسو هغو افغان مېرمنو ته چې د ښځو حقونو په برخه کې مبارزه کړې او زړورتيا يې ښودلې، نړۍواله جايزه ورکړل شوه.

دغه جايزه په نيويارک کې د ډیان وان فرسټنبرګ «DVF» بنسټ له لوري دغو کسانو ته ورکړل شوه. یاد بنسټ په ۲۰۱۰ز کال کې جوړ شوی او هر کال پنځو هغو مېرمنو ته چې د نورو ښځو د ژوند د ښه‌والي او د ژوندي پاتې کېدو په برخه کې د رهبريت وړتیا ولري، نړۍواله جايزه ورکوي. دغه جايزه ۱۰۰زره امريکايي ډالر دي، څو ګټونکې ښځې وکولای شي په مرسته یې خپلو چارو ته ښه رسېدنه وکړي.

login or register a new account.