د افغانستان بانک سبا ۱۱ میلیون امریکایي ډالر لیلاموي

کابل (پژواک، ۲۶ وږی ۱۴۰۱): د افغانستان مرکزي بانک سبا د وږي په ۲۷مه، ۱۱ میلیون امریکايي ډالر د داوطلبۍ له لارې لیلاموي.

دغه بانک په خپله رسمي ټویټر پاڼه لیکلي: «د افغانستان بانک غواړي د ۱۴۴۴ کال د صفرالمظفر میاشتې په ۲۱ نېټه (۱۴۰۱/۰۶/۲۷) د یکشنبې په ورځ د داوطلبۍ له لارې ۱۱ میلیونه امریکايي ډالر د لیلام په ډول وپلوري.»

یاد بانک له ټولو سوداګریزو بانکونو، صرافیو او د پولي خدمتونو له شرکتونو - چې پر شرایطو برابر وي - غوښتنه کوي څو په دې دواطلبي کې برخه واخلي.

دغه بانک لیکلي، د دواطلبۍ ګټونکي اړ دي څو خپل حسابونه د لیلام د ورځې تر پایه تصفیه کړي.

login or register a new account.