کابل کې د صنعتګرو غونډه تر لفظي شخړې او ډز وروسته ګډوډه شوه

کابل (پژواک، ۲۷ وږی ۱۴۰۱): هغه ناسته چې د کابل د کانونو او صنایعو خونې د رییس ټاکلو په تړاو د خبرو اترو په موخه جوړه شوې وه، د صنعتګرو ترمنځ له لفظي شخړې وروسته د یوې مرمۍ په ډز کولو سره ګډوډه شوه‎.

د دې غونډې ګډونوال صنعتگر وو چې د کابل د کانونو او صنایعو خونې د رییس ټاکلو لپاره یې د ټاکنو پر ترسراوي خبرې کولې.

هغوی په همدې تړاو په خبرو بوخت وو چې ترمنځ یې لفظي شخړه رامینځ ته شوه او په همدې وخت کې د یو ډز غږ واورېدل شو او وروسته له هغې غونډه ګډوډه شوه او خبریالان له غونډې ووتل.