وسله والو د پاکستان په کراچۍ ښار کې درېیو چینایي وګړو ته مرګ ژوبله اړولې

اټلانټا (پژواک، ۸ تله ۱۴۰۱) : د پاکستان په کراچۍ ښار کې د یوه وسله وال برید په پایله کې درېیو چینایي وګړو ته مرګ ژوبله اوښتې ده.

پاکستانیو رسنیو خبر ورکړی چې دا پېښه د چارشنبې په ورځ د کراچۍ په مشهوره صدر سیمه کې رامنځته شوې ده.

د کراچۍ پولیسو ویلي چې تر ماښام وروسته وسله والو کسانو په صدر کې د غاښونو د یوه ډاکټر په کلینک کې ډزې کړې چې له امله یې یو چینایي وګړی وژل وژل شوی او دوه نور ژوبل شوي دي.

سرچینې زیاته کړې، په دې برید کې د کلینک مالي مسوول رونالډ ریمنډ وژل شوی ، د غاښونو چینایي ډاکټر او میرمنه یې ټپیان شوي دي.

د راپورونوله مخې دغه چینایي وګړي پاکستاني تابعیت هم لري او له تېرو ۴۰ کلونو راهیسې په کراچۍ کې اوسېږي.

د یادونې وړ ده چې څو میاشتې مخکې د کراچۍ پوهنتون څو تنه چینایي استادان هم په یوه ځانمرګي برید کې وژل شوي وو.