میدانښار (پژواک، ۲۲ تله ۱۴۰۱): د ترکيې د نړیوالو بشري مرستو بنسټ(IHH) له خوا د کلي خیریت بنسټ او افغاني سرې میاشتې په همغږۍ نن په میدان وردګو کې له ۶۰۰ یتیمانو سره د خوراکي توکو مرسته وشوه.
د کلي خیریه بنسټ مشر مجیب الرحمن محمودي پژواک ته وویل: «نن د ترکيې هېواد مرسته شوي خوراکي توکي د چک، جغتو، دایمیرداد او سیدآباد ولسوالیو پر ۶۰۰ یتیمانو ووېشل شول.»
ده زیاته کړه، د یتیمانو هرې کورنۍ ته ۵۰ کیلو ګرامه اوړه، لس لیټره غوړ، لس کیلوګرامه نخود، لس کیلوګرامه وریجې، لس کیلوګرامه مکاروني، شپږ کیلوګرامه خرما او دوه کیلو ګرامه مالګه ورکړل شوې ده.
له مرستو برخمن شوي کسان خوښ دي، خو د زیاتو او دوامدارو مرسته غوښتنه کوي.
login or register a new account.
GET IN TOUCH
NEWSLETTER
SUGGEST A STORY
PAJHWOK MOBILE APP